«تصريح مثير لـ ريهام سعيد»: انا لا أقارن نفسي بعمرو أديب ولا بأحد.. وأيامي في الدنيا معدودة

قالت الإعلامية ريهام سعيد إنها لا تقارن نفسها بأي إعلامي آخر، مؤكدة أنها لا تضع نفسها فى منافسة مع أحد.

وأضافت ريهام سعيد، خلال بث مباشر على صفحتها على «فيسبوك»: «أنا مش باقارن نفسي بحد، ومبقارنش نفسي بعمرو أديب، ولا باقول إنى أشطر منه ولا باقول هو أشطر منى، مقدرش أقول كده. كل واحد ليه ظروفه وكل واحد ليه رزقه».

ريهام سعيد: انا اكتفيت 

وتابعت: «أقسم بالله أنا اكتفيت، وباشتغل علشان عندى أولاد، وعاوزة أفيد الناس على قد ما أقدر».

وأكدت تمسكها ببرنامج «صبايا الخير»، قائلة: «متمسكة باسم صبايا الخير علشان أفيد الناس، والغرض من البرنامج صبايا الخير هو الخير».

واختتمت تصريحاتها بالتأكيد على أنها لا تهتم بالمنافسة أو تصدر الترند، مضيفة: «مش مهتمة مين طلع ترند، وأنا مش هاحرق دمي وأنا عارفة إن أيامي معدودة في الدنيا».